کراچی کے علاقے لیاری بغدادی میں عمارت کے ملبے سے تین ماہ کی بچی معجزانہ طور پر بچ گئی۔
کراچی کے علاقے لیاری بغداد میں 6 منزلہ رہائشی عمارت گر گئی جس کے نتیجے میں 7 افراد جاں بحق ہوگئے جبکہ 4 خواتین سمیت 8 افراد زخمی ہوئے۔
ریسکیو حکام کا کہنا ہے کہ ملبے سے تین ماہ کی بچی کو معجزانہ طور پر زندہ نکال لیا گیا ہے ملبے سے دیگر افراد کو نکالنے کے لیے ریسکیو آپریشن جاری ہے۔
پولیس کا کہنا ہے کہ 30 سے زائد افراد ملبے میں دبے ہونے کی اطلاعات ہیں۔
مزید پڑھیں : کراچی میں 6 منزلہ رہائشی عمارت گرگئی ، 7 افراد جاں بحق ، متعدد زخمی
واضح رہے کہ سندھ حکومت نے تحقیقات کے لیے اعلیٰ سطحی کمیٹی قائم کر دی اور متعلقہ ایس بی سی اے افسران کو معطل کردیا۔
وزیر بلدیات سعیدغنی نے عمارت گرنے کی تحقیقات کیلئے اعلیٰ سطح کمیٹی قائم کردی،ترجمان نے بتایا کہ کمیٹی 3دن میں ذمہ دارافسران کی نشاندہی کرکے رپورٹ وزیر بلدیات کوپیش کرے گی۔
سعید غنی نے واقعے کا فوری نوٹس لیتے ہوئے ڈائریکٹر ایس بی سی اے، ڈپٹی ڈائریکٹر اور بلڈنگ انسپکٹر کو معطل کردیا۔
وزیربلدیات نے تمام متعلقہ محکموں کو امدادی کام تیز کرنے کی ہدایت بھی کی ہے اور کہا ایس بی سی اےاوردیگراداروں کےافسران اپنی نگرانی میں ریسکیو کام سرانجام دیں ساتھ ہی عمارت گرنے کی وجوہات اور اس کے تمام اسباب کی فوری رپورٹ پیش کی جائے۔
