لاہور: سانحہ ماڈل ٹاؤن کے اہم کردار گلو بٹ نے ضمانت پر رہائی کیلئے ہائیکورٹ میں درخواست دائر کردی ہے۔
گلو بٹ کی جانب سے دائر درخواست میں مؤقف اختیار کیا گیا ہے کہ اس کیخلاف معمولی دفعات کے تحت مقدمہ درج کیا گیا تھا مگر بعد میں پولیس نے اقدام قتل اور دہشتگردی کی دفعات شامل کر لیں جبکہ اس کے خلاف مقدمے میں دہشتگردی کی دفعات لاگو نہیں ہوسکتیں۔
عدالت نے اقدام قتل کے مقدمے میں اسے بری کر دیا ہے۔
گلو بٹ کے مطابق اس نے انسدادِ دہشتگردی عدالت کی جانب سے سزا کیخلاف ہائیکورٹ میں اپیل کر رکھی ہے، جس کے فیصلے تک عدالت سزا معطل کرے اور ضمانت پر رہا کرنے کا حکم دے۔
انسداد دہشتگردی عدالت نے گلو بٹ کو مختلف دفعات کے تحت مجموعی طور پر 11 سال قید کی سزا سنائی تھی۔
