دوہا: تیل کی دولت سے مالامال ملک قطر کےایک ریستوران نے غریبوں اور مستحق افراد کے لئے ’مفت کھانے‘ کا اہتمام کیا ہے۔
تفصیلات کے مطابق دنیا کی سب سے مہنگی ترین جگہ دوہا گلاس ٹاور سے 16 کلومیٹر کے فاصلے پر شہر کا صنعتی علاقہ واقع ہے جہاں لوگ غربت کی لکیر سے بھی نیچے زندگی گزار رہے ہیں۔
اس علاقے میں مقیم افراد میں سے زیادہ تر تارکین وطن ہیں جن کی آمدنی انتہائی قلیل ہے اور انہیں آجروں کی جانب سے دیر سے تنخواہ ملنے یا کبھی کبھی نا ملنے جیسے مسائل کا سامنا ہے۔
اس صورتحال کو دیکھتے ہوئے دہلی سے تعلق رکھنے والے دو بھائیوں شاداب اور نشاب نے فیصلہ کیا کہ وہ اپنے رستوران ’’ذائقہ‘‘ میں نادار افراد کو مفت کھانا مہیا کریں گے۔
شاداب کا کہنا ہے کہ ’’اکثرافراد ہمارے پاس آتے اور صرف ڈبل روٹی لے جاتے جسے وہ پانی سے کھا کر گزاراہ کرتے ہیں‘‘۔
انہوں نے کہا کہ اس ساری صورتحال کو دیکھتے ہوئے ہم نے فیصلہ کیا کہ ہم تارکین وطن افراد کی مدد کے لئے مفت کھانا فراہم کریں۔
شاداب نے یہ بھی بتایا کہ ان کا ریستوران کرائے کی جگہ پرواقع ہے اور مالک سے ان کا کرایے کی رقم پر تنازعہ چل رہا ہے۔
انہوں نے کہا کہ ہم اپنے نئے ریستوران میں ریفریجریٹر باہر رکھیں جو کہ بند نہیں ہوگا اورہرضرورت مند اس کھانا حاصل کرسکے اور اس سے ضرورت مند شخص کی عزتِ نفس بھی مجروح نہیں ہوگی۔
