کراچی :سندھ بھر میں جاری میٹرک امتحانات میں طلباء کھلے عام چیٹنگ کرے رہے ہیں اور پولیس اور انتظامیہ خاموش تماشائی بنے رہے۔
سندھ بھر میں جاری میٹرک کے امتحانات مذاق بن گئے، کراچی سمیت سندھ کے مختلف شہروں میں مستقبل کے معمار چیٹنگ کے ریکارڈ توڑتے نظر آئے۔
کراچی کے متعدد امتحانی مراکز میں نقل روکنے کیلئے ڈپٹی کمشنر سینٹرل نے مختلف سرکاری اسکولوں کا اچانک معائنہ کیا اور نقل کرنے والے متعدد طلبا کو دھرلیا۔
سکھر میں اسکولوں کے باہر پولیس کا پہرہ تھا تو امتحانی کمروں میں نقل کا ڈیرہ نظر آیا، طالبعلم پولیس اور انتظامیہ کی موجودگی میں مزے سے چیٹنگ کرتے رہے۔
جیکب آباد میں اسلحہ کے زور پر پرچہ آوٹ کرایا گیا، ملزم کو پولیس نے گرفتار کرلیا۔
