سری نگر: مقبوضہ کشمیر میں بھارتی حکومت کیخلاف احتجاج کے دوران مظاہرین نے پاکستانی پرچم لہرادئیے،کشمیر میں قومی پرچم لہرانے پر بھارتی میڈیا نے ہنگامہ کھڑا کردیا۔
مقبوضہ سری نگر میں فوجی جارحیت کیخلاف ہزاروں افراد نے احتجاجی ریلی نکالی، مظاہرین نے بھارتی حکومت کے دہرے رویے پر شدید احتجاج کرتے ہوئے مقبوضہ وادی میں پاکستانی پرچم لہرادئیے۔
بھارتی فوج نے مظاہرین کوروکنے کیلئے بیہمانہ تشدد کا نشانہ بنایا جس پر مظاہرین نے بھارتی حکومت کیخلاف نعرے بازی کرتے ہوئے پاکستان زندہ باد کے نعرے لگا دیئے۔
- Advertisement -
کشمیری عوام کا احتجاج بھارتی میڈیا کو ہضم نہ ہوسکا اور وادی کشمیر میں پاکستانی پرچم لہرائے جانے پراس نے پاکستان کیخلاف ہرزاہ سرائی شروع کردی۔
