پہلی دفعہ انتخابات دھاندلی پرتحقیقات ہورہی ہیں، عمران خان

اسلام آباد: تحریکِ انصاف کے چیئرمین عمران خان کا کہنا ہے کہ پاکستان میں تاریخ بن رہی ہے، پہلی دفعہ انتخابات دھاندلی پرتحقیقات ہورہی ہیں۔

تحریک انصاف کے سربراہ عمران خان نے عدالتی کمیشن کے سامنے پیش ہونے سے قبل میڈیا سے گفتگو میں کہا کہ پاکستان میں جمہوریت کے لیے سنہرا دن ہے، اس اقدام سے جمہوریت مضبوط ہوگی۔

 انھوں نے کہا کہ تحریکِ انصاف کے علاوہ 26 سیاسی جماعتوں اور گروہوں نے گواہی دینی ہے کہ 2013 کے عام انتخابات میں دھاندلی ہوئی تھی

انھوں نے کہا کہ وزیرِ اعظم نے بھی کہا دھاندلی ہوئی ہے ، 126دن کےدھرنے سے جوڈیشل کمیشن کی راہ ہموارہوئی، جو بھی فیصلہ آئے اس سے جمہورت مضبوط ہوگی۔

تحریکِ انصاف کے پاس موجود شواہد سے متعلق عمران خان نے بتایا کہ پی ٹی آئی کے پاس دھاندلی کے الزامات ثابت کرنے کے لیے مختلف نوعیت ثبوت موجود ہیں، جنھیں پیش کیا جائے گا۔

Comments