لاہور: ہیومن رائٹس کمیشن آف پاکستان نے سالانہ رپورٹ جاری کردی، رپورٹ میں دوہزار چودہ میں ملک بھرمیں انسانی حقوق کی صورتحال کو دو ہزار تیرہ کی نسبت زیادہ ابتر قراردیا گیا ہے۔
لاہور میں کمیشن کی سالانہ رپورٹ جاری کرنے کے موقع پر خطاب کرتے ہوئے ہیومن رائٹس کمیشن کی چیئرپرسن زہرہ یوسف کا کہنا تھا کہ دو ہزار چودہ کے دوران بھی ملک بھر میں انسانی حقوق اور امن وامان کی صورتحال خراب رہی۔
رپورٹ کے مطابق دہشت گردی ملک کا اولین مسئلہ رہی اور اس دوران کئی بے گناہ لوگوں کو اپنی جانوں سے ہاتھ دھونا پڑے، پولیو ورکزر کی ٹارگٹ کلنگ دوہزار تیرہ کی نسبت زیادہ رہی جبکہ ماورائے عدالت ہلاکتوں میں تشویشناک حد تک اضافہ ہوا ۔
اس موقع پر ایچ آر سی پی کے ڈائریکٹر کا کہنا تھا کہ دو ہزار چودہ میں جن چند شعبوں میں معمولی نوعیت کی بہتری دیکھنے میں آئی، ان میں صوبائی اسمبلیوں میں قانون سازی شامل تھی۔
