ریاض: امریکی صدر باراک اوبامہ کی دادی عمرہ کی سعادت حاصل کرنے کے لئے سعودی عرب پہنچ گئی۔
بزرگ خاتون اپنے بیٹے سعید اوبامہ جو کہ امریکی صدر کے چچا ہیں اور ان کے بیٹے موسیٰ اوبامہ کے ہمراہ سعودی عرب تشریف لائیں۔ اوبامہ کی دادی کا نام سارہ ہے اور 94 سال کی ہیں، بزرگ خاتون وہیل چیئر کے بغیر حرکت نہیں کرسکتیں۔
انہوں نے مکہ میں عمرہ ادا کرنے کے بعد مدینہ منورہ میں حرمِ رسول پاک صلی اللہ علیہ وآلہہ وسلم پر حاضری دی۔ انہوں نے مسجدِ حرام کے توسیعی منصوبے سےمتعلق نمائش کو دیکھ کر مسرت کا اظہار کیا۔
انہوں نے کہا کہ اسلام کی یوں سائنسی اور مستند دستاویزات کے ساتھ جدید انداز میں نمائش قابلِ تعریف ہے۔
سارہ نے امید ظاہرکی کہ یہ نمائش دوسری ممالک میں بھی بھجی جائے کہ اسلام سے متعلق ابہامات دور ہوسکیں۔
واجح رہے کہ امریکی صدر کی دادی اور ان کے کئی اہلِ خانہ مسلمان ہیں لیکن انہوں نے عیسائیت کو بطور مذہب اپنا لیا ہے۔
غیر مصدقہ ذرائع کے مطابق امریکی صدر کی دادی نے اوبامہ کے مسلمان ہوجانے کے لئے خصوصی دعا کی ہے۔
