کراچی:شہرقائد کے علاقے بلدیہ اتحاد ٹاؤن میں کاؤنٹر ٹیراریزم ڈپارٹمنٹ کے ساتھ مقابلے میں کالعدم تنظیم کے چار دہشتگرد مارے گئے۔
بلدیہ اتحاد ٹاؤن میں حساس اداروں کی اطلاع پر کاؤنٹر ٹیراریزم ڈپارٹمنٹ کی جانب سے کارروائی کی گئی جہاں ملزمان اور پولیس کے درمیان دو طرفہ فائرنگ کے نتیجے میں کالعدم تنظیم کے چار دہشتگرد زخمی ہوئے جنہیں سول اسپتال منتقل کیا گیا تاہم وہ اسپتال میں دم توڑ گئے۔
انچارج سی ٹی ڈی علی رضا کے مطابق حساس اداروں کی جانب سے کالعدم تحریک طالبان سواتی گروپ کے سربراہ کی موجودگی کی اطلاع پر کارروائی کی گئی۔
- Advertisement -
ہلاک ملزمان کے قبضے سے اسلحہ اور بارودی مواد بھی ملا ہے، ہلاک ملزمان کی شناخت تاحال نہیں ہوسکی ہے۔
