لاہور: مجلس وحدت مسلمین نے حکومت کی جانب سے گلگت بلتستان کی قانون ساز اسمبلی کے انتخابات میں دھاندلی کا امکان ظاہرکرتے ہوئے انتخابات فوج کی نگرانی میں کرانے کا مطالبہ کیا ہے۔
ایم ڈبلیو ایم کے سیکریٹری جنرل علامہ راجہ ناصر نے پریس کانفرنس کرتے ہوئے کہا کہ گلگت بلتستان میں آٹھ جون کو ہونے والے قانون ساز اسمبلی کے انتخابات میں عوام کےحق پر ڈاکہ ڈالنے نہیں دیا جائیگا، حکومت دھاندلی میں ماہر ہے، اس لیے صاف شفاف انتخابات ہوتے ہوئے نظر نہیں آرہے۔
علامہ ناصر نے گلگت بلتستان کے قانون ساز اسمبلی کے انتخابات فوج کی نگرانی میں کرانے کا مطالبہ کیا۔
انتخابات سے قبل وزیرِاعظم گلگت بلتستان کو آئینی صوبہ قرار دیں تو مجلس وحدت مسلمین مسلم لیگ(ن) کے حق میں دستبردار ہوجائے گی۔
