اسلام آباد: وفاقی حکومت نے گورنرسندھ ڈاکٹرعشرت العباد سے استعفی طلب کرلیا ہے۔
ذرائع کے مطابق گورنرسندھ سے استعفیٰ صولت مرزا کی جانب سے عائد کئے گئے الزامات کے سبب طلب کیا گیا۔
صولت مرزا جو کہ پھانسی کی سزا پاچکے ہیں انہوں نے الزام عائد کیا تھا کہ گورنرسندھ ڈاکٹرعشرت العباد ایم کیو ایم کے مختلف جرائم میں ملوث کارکنان کو پناہ مہیا کرتے ہیں۔
ذرائع سے یہ بھی معلوم ہوا ہے کہ وفاقی حکومت نے اس معاملے سندھ حکومت کو بھی اعتماد میں لیا ہے۔
گذشتہ دنوں متحدہ قومی موومنٹ نے بھی گورنرسندھ پر الزام عائد کیا تھا کہ وہ ایم کیوایم کے کارکنان کوانصاف دلانے اور کارکنان کے خلاف جاری تشدد کوروکنے میں ناکام رہے ہیں لہذا انہیں اپنے عہدے سے استعفیٰ دے دینا چاہئے۔
گورنر سندھ نے ایم کیو ایم کے اس مطالبے پر کسی قسم کے ردعمل کا اظہار نہیں کیا تھا۔
ذرائع کا کہنا وفاقی حکومت نے نئے گورنر سندھ کے نام کیلئے غور شروع کردیا ہے۔
ذرائع کا کہنا ہے کہ گورنر نے اپنی نجی مصروفیات کے باعث اپنےاستعفےکےحوالے سے ایک ماہ کی مہلت مانگی ہے۔
تاہم وزیراعظم ہاؤس اور وزارتِ اطلاعا ت کی جانب سے تاحال اس خبرکی تصدیق نہیں کی گئی ہے۔
