برطانوی فلاسفر بر ٹینڈر رسل کےسابق سیکریٹری نے انکشاف کیا ہے کہ صیہونی قوتیں ایران کے جوہری پروگرام پر مذاکرات کو ناکام بنانے اور اسرائیل کی مدد سے امریکہ کو ایران پر حملے کے لئے اکسا رہی ہیں۔
رالف شین مین نے ایک انٹرویومیں انکشاف کرتے ہوئے کہا ہےکہ اسرائیلی حکام کی جانب سے امریکی صدر براک اوباما پر زور دیا گیا ہے کہ ایران کے ساتھ جوہری معاہدے کی ڈیڈ لائن میں توسیع کی جائے ،جس کا مقصد ایران کے ساتھ عالمی طاقتوں کے معاہدے کو ناکام بنانا ہے۔
رالف شین مین کا کہنا تھا کہ جوہری معاہدے کی ڈیڈ لائن میں توسیع کا ایک اور مقصد یہ بھی ہے کہ آئندہ انتخابات میں اگر امریکا میں ریپبلکن پارٹی اقتدار میں آئی تو وہ جوہری معاہدے کو یکسر مسترد کردے گی۔
