سوات: مینگورہ کے نواحی علاقے میں استاد کی اتفاقیہ فائرنگ سےایک طالب علم جاں بحق جبکہ ایک زخمی ہوگیا ہے۔
تفصیلات کے مطابق مینگورہ سے 20 کلومیٹر کے فاصلے پرسنگوٹہ کے علاقے میں واقع ایک نجی اسکول میں تعینات استاد سے صفائی کے دوران حادثاتی طورپرپستول چل گئی۔
پستول سے نکلنے والی گولی نجی اسکول کے کلاس روم میں موجود دو طالب علموں کو لگ گئی۔
- Advertisement -
گولی لگنے سے طالب علم معاذ موقع پرجاں بحق ہوگیا جبکہ دوسرا زخمی ہے جسے اسپتال منتقل کرکے طبی امداد فراہم کی جارہی ہے۔
واقعے کی اطلاع ملتے ہی پولیس جائے وقوعہ پہنچ گئی اورحادثے میں ملوث استاد کو گرفتار کرکے آلۂ قتل کو قبضےمیں لے لیا ہے۔
