کراچی : لیاری میں پولیس نے سرچ آپریشن آپریشن کے دوران مقابلے میں لیاری گینگ وار شیراز کامریڈ گروپ کے چار ملزمان کو ہلاک کردیا ،ہلاک شدگان کے قبضے سے اسلحہ اور دستی بم برآمد ہوئے ہیں۔
پولیس کے مطابق لیاری کلری کے علاقے میں پولیس کا سرچ آپریشن جاری تھا اس دوران ملزمان نے پولیس پر فائرنگ کی، پولیس کی جوابی فائرنگ سے گینگ وار شیراز کامریڈ گروپ کے چار کارندے مارے گئے۔
مارے گئے افراد کے قبضے سے اسلحہ اور دستی بم برآمد ہوا ہے ، پولیس کے مطابق ملزمان بھتہ خوری، اور پولیس اہلکاروں کے قتل میں ملوث تھے، پولیس نے ملزمان کی لاشیں ضروری کارروائی کیلئے جناح اسپتال منتقل کردیں۔
