کراچی: شہرِ قائد میں آج درجہ حرارت سینتیس ڈگری سینٹی گریڈ تک رہنے کا امکان ہے، محکمہ موسمیات نے سندھ اور بلوچستان کے بیشترعلاقوں میں گرمی کی نئی لہر کی پیش گوئی کردی۔
موسم کا حال بتانے والوں کا کہنا ہے کہ کراچی ایک بار پھر شدید گرمی کا شکار ہونے والا ہے، شہرقائد میں آج درجہ حرارت سینتیسں ڈگری سینٹی گریڈ تک جانے کا امکان ظاہرکیا گیا ہے۔
- Advertisement -
محکمہ موسمیات کے مطابق سندھ اور بلوچستان کے بیشترعلاقوں میں پھر گرمی کی نئی لہر اٹھے گی، جس سے گرمی کی شدت میں مزید اضافہ ہوگا۔
موسم کا حال بتانے والوں نے مالاکنڈ، فیصل آباد، ملتان، ساہیوال، ڈی جی خان، کشمیر اور گلگت بلتستان والوں کو خوشی کی نوید سنادی ہے، آج چند مقامات پر گرج چمک کے ساتھ بارش ہوگی۔
