کراچی : ایم کیو ایم رابطہ کمیٹی نے حکومت سندھ کی جانب سے صرف کراچی میں رینجرز کو آپریشن کے اختیارات دینے پر گہری تشویش کا اظہار کیا ہے۔
ایک بیان میں رابطہ کمیٹی نے کہا کہ امن وامان کی صورتحال پورے سندھ میں خراب ہے لیکن حکومت سندھ کی جانب سے رینجرز کو صرف کراچی میں آ پریشن کا اختیار دیا گیا ہے جوکہ انتہائی حیران کن اور باعث تشویش ہے۔
رابطہ کمیٹی نے کہا کہ صرف کراچی میں آپریشن کا اختیار دینے کا مقصد کراچی کے شہریوں بالخصوص ایم کیو ایم کے کارکنوں اور عوام کو ٹارگٹڈ ایکشن کے نام پر نشانہ بنانے کا قانونی اختیار دینا ہے۔
