ویانا : ایران اور چھ عالمی طاقتوں نے تہران حکومت کے جوہری پروگرام پر جاری مذاکرات میں پیر تک توسیع کردی ہے، تیرہ جولائی نئی ڈیڈلائن مقررکر دی گئی۔
ویانا میں ایران کے جوہری پروگرام پر حتمی معاہدے پر اتفاق رائے کے لیے مزید وقت دینے کی غرض سے بات چیت کو پیر تک جاری رکھا جائے گا، مذاکرات میں شریک ملکوں کے وزرائے خارجہ نے آج بھی بات چیت جاری رکھنے کا فیصلہ کیا ہے تاکہ باقی ماندہ اختلافات طے کیے جاسکیں۔
مسلسل چودہویں روز بھی ویانا میں فریقین کے درمیان دو طرفہ ملاقاتوں، رابطوں اور مشاورت کا سلسلہ جاری رہا تاکہ پیر تک حتمی سمجھوتے کی راہ ہموار ہوسکے۔
- Advertisement -
دوسری جانب امریکہ مسلسل معاہدے کی راہ میں مشکلات کا سبب بن رہا ہے، امریکی وزیر خارجہ جان کیری کا کہنا ہے کہ امریکہ نہ ویانا میں قیام کرنے آیا ہے اور نہ ہی امریکہ کو معاہدہ کرنے کی جلدی ہے۔
