یمن :عارضی جنگ بندی کے باوجود سعودی اتحادی افواج کی کارروائیاں جاری ہیں، میزائل حملوں میں اکیس افراد جاں بحق چالیس سے زائد زخمی ہوگئے۔
یمن کے دارلحکومت صنعاء میں سعودی جیٹ طیاروں نے حوثی قبائل کے ٹھکانوں پر بمباری کی جس کے باعث رہائشی عمارتوں کو شدید نقصان پہنچا ہے جبکہ مزید ہلاکتوں کا خدشہ ہے۔
- Advertisement -
عدن اور تعز میں حوثی قبائل اور سابق صدر کے حامیوں کے درمیان شدید جھڑپیں بھی جاری ہیں۔
سعودی حکام نے عارضی جنگ بندی تسلیم کرنے سے انکار کرتے ہوئے کہا ہے کہ حوثی قبائل نے عارضی جنگ بندی پرعملدرآمد کرنے پر رضامندی ظاہر نہیں کی جبکہ اقوام متحدہ کے مبصرین بھی تعینات نہیں کیے گئے اس لیے فضائی حملے جاری رہیں گے۔
