تھائی لینڈ کے فوجی سربراہ نے تھائی لینڈ میں ہنگامے ختم نہ ہونے پر فوجی بغاوت کا عندیہ دیتے ہوئے تمام فریقوں پر زور دیا کہ وہ ملکی مفاد کے لئے فوری سیاسی حل تلاش کرلیں۔
بچوں کے قومی دن کے موقع پر ایک تقریب سے خطاب کرتے ہوئے فوج کے سربراہ نےتمام فریقوں پر زور دیتے ہوئے کہا کہ وہ ملکی صورتحال کے پیش نظرقیام امن کیلئےفوری اقدامات کریں۔
انکا کہنا تھا کہ ملک میں سیاسی بحران اورہنگاموں کا سلسلہ فوری نہ روکا اور اس کاسیاسی حل تلاش نہ کیا گیاتوفوج ملک کانظام اپنےہاتھ میں لےسکتی ہے۔
- Advertisement -
مظاہرین نے وزیر اعظم ینگ لک شیناواترا کا تختہ الٹنے کے لئے مظاہروں کا سلسلہ تاحال جاری رکھا ہوا ہے، دوسری طرف مظاہرین نےجمہوری حکومت کے خلاف پیرسے فیصلہ کن احتجاج کےلئے تیاریاں شروع کردی ہیں، مظاہرین کا کہنا ہے کہ وہ وزیراعظم کے مستعفی ہونے تک احتجاج جاری رکھیں گے۔
