The news is by your side.

3 سالہ بچی نے 5 منٹ میں مشکل ترین کیوبز حل کرکے ریکارڈ بنا ڈالا

بھارت میں ایک تین سالہ بچی نے مشکل ترین کیوبز کو صرف 5 منٹ میں حل کرکے بڑے بڑوں کو حیرات میں ڈال دیا ہے۔

ذہانت اللہ تعالیٰ کی عطا کردہ ایک نعمت ہے جس کا عمر سے کوئی تعلق نہیں ہوتا بعض اوقات انتہائی کم عمر افراد ایسا کام کرجاتے ہیں کہ بڑے بڑے ورطہ حیرت میں رہ جاتے ہیں۔

ایسا ہی ہوا ہے پڑوسی ملک بھارت میں جہاں ایک تین سالہ بچی دیویشا بھنسالی نے اپنی عقل سے صرف 5 منٹ میں مشکل ترین کیوبز حل کرکے نہ صرف بڑوں کو حیرت زدہ کردیا ہے بلکہ ریکارڈ بھی بنا ڈالا ہے۔

اے آروائی نیوز براہِ راست دیکھیں live.arynews.tv پر

بھارتی شہر دہلی کی رہائشی 3 سالہ دیویشا بھنسالی نے صرف 5 منٹ میں کیوبز حل کردیا لیکن یہ اس بچی کا واحد کارنامہ نہیں ہے اس سے قبل دیویشا مشکل ترین اور ہر طرح کے کیوبز (تھری لیئرڈ، تو وے اور پریمکس کیوبز) حل کرکے دنیا کی سب سے کم عمر ترین کیوبز حل کرنے والی بچی کا ایوارڈ بھی جیت چکی ہے۔

بھارتی کیوب ایسوسی ایشن کے مطابق اس سے قبل یہ ریکارڈ رکھنے والے بچے کو کیوبز حل کرنے میں تین گھنٹے لگے تھے۔

اس حوالے سے دیویشا کی والدہ آرتی کا کہنا ہے کہ اس نے بچی کی کیوب میں دلچسپی کو دیکھتے ہوئے اس کی جانب توجہ مرکوز کی اور اس نے صرف 40 روز کے دوران کیوبز حل کرنے پر مہارت حاصل کر لی تھی۔

Comments

یہ بھی پڑھیں