نیویارک: امریکی ریاست اوٹا میں 5 سالہ بچہ لاک ڈاؤن کے دوران گاڑی چلاتا پکڑا گیا جس کی ویڈیو وائرل ہوگئی۔
غیرملکی خبررساں ادارے کی رپورٹ کے مطابق امریکی ریاست اوٹا میں 5 سالہ بچہ لاک ڈاؤن کے دوران گاڑی چلاتا پکڑا گیا، پولیس کے مطابق بچہ 30 میل فی گھنٹہ کی رفتار سے ہائی وے پر گاڑی چلارہا تھا۔
اوٹا پولیس نے اپنے آفیشل ٹویٹر اکاؤٹ پر یہ واقعہ بیان کرتے ہوئے بچے کی تصویر شیئر کی۔
One of our Troopers in Weber Co. initiated a traffic stop on what he thought was an impaired driver. Turns out it was this young man, age 5, somehow made his way up onto the freeway in his parents' car. Made it from 17th and Lincoln in Ogden down to the 25th St off-ramp SB I-15. pic.twitter.com/3aF1g22jRB
— Utah Highway Patrol (@UTHighwayPatrol) May 4, 2020
پولیس کے مطابق جب بچے کو روک کر پوچھا گیا کہ لاک ڈاؤن کے دوران وہ کہاں جارہا ہے تو اس نے کہا کہ میں نئی لیمبرگنی گاڑی خریدنے کے لیے کیلی فورنیا جارہا ہوں، اس جواب پر آفیسرز حیران رہ گئے اور انہوں نے پوچھا کہ تمہارے پاس لیمبرگنی خریدنے کے لیے پیسے ہیں؟
بچے نے پولیس افسر رک مورگن کو جیب سے تین ڈالر نکال کر دکھائے اور کہا کہ ہاں میرے پاس یہ پیسے ہیں ان سے میں لیمبرگنی خریدوں گا۔
پولیس کا کہنا ہے کہ بچے کے پاؤں بمشکل پیڈلز تک پہنچ رہے تھے اور وہ ڈرائیونگ سیٹ کے اگلے کنارے پر بیٹھا ہوا تھا۔
اوٹا پولیس کا کہنا ہے کہ اب یہ فیصلہ پراسیکیوٹر پر منحصر ہوگا کہ اس بچے کے والدین کے خلاف مقدمہ درج کیا جائے یا نہیں، جنہوں نے لاپروائی کا مظاہرہ کرتا ہوئے کم عمر بچے کو گاڑی دے کر باہر بھیج دیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں