لاہور میں گردہ نکالنے والا گروہ سرگرم ہوگیا ہے اور 14 سالہ لڑکےکو سرکاری نوکری کا جھانسہ دے کر ولپنڈی لے جا کر اس کا گردہ نکال لیا گیا۔
اے آر وائی نیوز کے مطابق لاہور کے علاقے مناواں سے گزشتہ ماہ 8 دسمبر کو 14 سالہ لڑکا عبداللہ لاپتہ ہوا تھا جس کے بارے میں معلوم ہوا ہے کہ اس کو مبینہ طور پر راولپنڈی لے جا کر گردہ نکال لیا گیا ہے۔
متاثرہ لڑکے عبداللہ نے الزام عائد کیا ہے کہ ملزمان نے اسے سرکاری نوکری کا جھانسہ دے کر اغوا کیا تھا اور پھر اس کا گردہ نکال لیا۔
عبداللہ کو بذریعہ عدالت بازیاب کرایا گیا تاہم جب تک اسے بازیاب کرایا گیا تب تک اس کا گردہ نکال لیا گیا تھا۔ پولیس نے اس سلسلے میں تین سہولت کاروں کو حراست میں لے کر اس گھناؤنے جرم کے مرکزی کرداوں کی گرفتاری کے لیے چھاپے مارنے شروع کردیے ہیں۔
دوسری جانب پنجاب ہیومن آرگن ٹرانسپلانٹ اتھارٹی نے مقدمے کا مدعی بننے کے لیے لاہور پولیس کے سربراہ کو خط لکھ دیا جس میں کہا گیا ہے کہ ملزمان کو ایک کروڑ تک جرمانہ 10 سال تک قید ہوسکتی ہے۔
