بھارت میں ڈاکٹرز نے کامیاب سرجری کرکے خاتون کے پیٹ سے ڈھائی کلو بالوں کا گچھا نکال لیا۔
بھارتی میڈیا کے مطابق ریاست تلنگانہ کے ضلع نرمل کی رہائشی 22 سالہ خاتون کو پیٹ میں شدید درد کی شکایت پر اسپتال منتقل کیا گیا جہاں ڈاکٹرز نے معائنے کے بعد کچھ ٹیسٹ کیے اور پین کلر کے بعد خاتون کو گھر بھیج دیا۔
ڈاکٹرز کو رپورٹ میں بظاہر کوئی پریشان کن بات نظر نہیں آئی اور وہ درد کی وجہ تلاش نہیں کر سکے، درد بڑھنے پر خاتون کو دوسرے اسپتال منتقل کیا گیا۔
دو دن زیرعلاج رہنے کے بعد ڈاکٹرز نے اینڈواسکوپی کی جس میں ڈاکٹرز کو بالوں کا گچھا دکھائی دیا، ڈاکٹرز نے اہلِ خانہ کو بتایا کہ چھوٹی آنت میں بالوں کا گچھا ہے جسے نکالنے کے لیے سرجری کی ضرورت ہے۔
فیملی کی اجازت ملنے پر ڈاکٹرز نے سرجری کرکے پیٹ سے بالوں کا گھچا نکال لیا جس کا وزن ڈھائی کلوگرام تھا۔
سرجری کے بعد خاتون کی حالت بہتر ہے اور ڈاکٹرز کا کہنا ہے کہ مکمل صحت یاب ہونے پر خاتون کو ڈسچارج کر دیا جائے گا۔
