کراچی : بابائے قوم قائداعظم محمد علی جناح ؒ کا 142 واں یوم ولادت آج ملی جوش وجذبے کے ساتھ منایا جارہا ہے۔

تفصیلات کے مطابق قائداعظم محمد علی جناح کے یوم ولادت پر دن کا آغاز نمازفجر کے بعد خصوصی دعاؤں سے ہوا اور ملک کی ترقی اور خوشحالی اورامن وسلامتی کے لیے دعائیں کی گئیں۔

کراچی میں قائداعظم محمد علی جناح کے 142 ویں یوم پیدائش کے موقع پرکراچی میں مزار قائد پرگارڈز کی تبدیلی کی پروقار تقریب منعقد ہوئی۔

بابائےقوم قائداعظم کے یوم ولادت پرصدرمملکت اوروزیراعظم کا پیغام

پاکستان ملٹری اکیڈمی پی ایم اے کاکول کے چاق وچوبند دستے نے مزار قائد پرگارڈز کے فرائض سنبھال لیے اس سے قبل پاک فضائیہ کے کیڈٹس مزار قائد پرگارڈز کے فرائض انجام دے رہے تھے۔

مہمان خصوصی میجرجنرل اخترنوازستی نے پریڈ کا معائنہ کیا اور مزار قائد پرپھول چڑھائے اور فاتحہ خوانی کی۔

خیال رہے کہ مزارقائد پرسال میں3 مرتبہ گارڈزکی تبدیلی کی تقریب ہوتی ہے۔

بابائےقوم قائداعظم محمدعلی جناحؒ کا یوم ولادت آج منایا جارہا ہے

واضح رہے کہ ملک بھر میں آج بابائے قوم قائداعظم محمد علی جناح کا 142واں یوم ولادت انتہائی عقیدت واحترام اور ملی جوش وجذبے کے ساتھ منایا جارہا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔