خواتین کے ساتھ چھیڑ چھاڑ کرنے کے واقعات میں ہر گزرتے دن کے ساتھ اضافہ ہوتا جارہا ہے، مگر بعض اوقات اس قسم کے واقعات میں ملوث افراد کے ساتھ موقع پر ہی انصاف کردیا جاتا ہے۔ریاست آندھراپردیش میں پیش آنے والے واقعے میں خواتین نے چھیڑ چھاڑ کرنے والے شخص کی درگت بنادی۔
بھارتی میڈیا رپورٹ کے مطابق خواتین نے غیر مناسب حرکت کرنے والے شخص کی جم کر پٹائی کی، مذکورہ واقعہ بھارتی ریاست آندھراپردیش میں پیش آیا۔ایک شخص نے ضلع پرکاشم ضلع کے ڈورنالہ منڈل کے پیدا بوملاپورم میں حالت نشہ میں خواتین کے ساتھ غیر مناسب حرکات کرنے کی کوشش کی۔
A flirtatious drunkard was publicly beaten by women pic.twitter.com/ZsbL0HYeLz
— urduleaks news (@UrduleaksN87793) August 7, 2023
شراب کے نشے میں دھت شخص کی خواتین نے جم کر سرعام پٹائی کی، سوشل میڈیا پر وائرل ہونے والی ویڈیو میں دیکھا جاسکتا ہے کہ کیسے چند خواتین شرابی شخص کو پیٹ رہی ہیں۔
بھارتی میڈیا رپورٹس کے مطابق خواتین سے چھیڑ چھاڑ کرنے والے شخص کو خواتین نے سبق سکھانے کے بعد پولیس کی تحویل میں دے دیا۔ جبکہ پولیس نے مزید کارروائی کا آغاز کردیا ہے۔
