خیبرپختونخوا حکومت نے کالجز میں اساتذہ کی بھرتیوں کیلئے امیدواروں سے ٹیسٹ لینےکا فیصلہ کر لیا۔
پبلک سروس کمیشن کےذریعے بھرتیوں کیلئے ایبلٹی ٹیسٹ کا انعقاد کیا جائے گا۔ حکومت نے صوبے کے کالجز میں 1900 اساتذہ کی بھرتی کا اعلان کررکھا ہے۔
پبلک سروس کمیشن نے پہلے ایکڈمک نمبرز کے ذریعے بھرتی کافیصلہ کیا تھا اور فیصلے کیخلاف امیدواروں نے ٹیسٹ کے انعقاد کیلئے احتجاج بھی کیا۔
خیبرپختونخوا پبلک سروس کمیشن نے بھرتیوں کیلئے ٹیسٹ سے متعلق اعلامیہ جاری کر دیا ہے۔
ہائیر ایجوکیشن ڈیپارٹمنٹ کے لئے 1900 لیکچررز کی ریکروٹمنٹ کے حوالہ سے خیبرپختونخوا پبلک سروس کمیشن نے یہ فیصلہ کیا کہ سکریننگ ٹیسٹ کے زریعہ شارٹ لسٹنگ ہوگی۔ میں تمام طلباء و طالبات اور نوجوانوں کو یہ مطلع کرتا ہوں کہ بھرپور تیاری کریں۔ Good Luck pic.twitter.com/2k3s2QuwPY
— Kamran Khan Bangash PK82 🇵🇰 (@kamrankbangash) June 7, 2021
اس حوالے سے معاون اطلاعات و اعلیٰ تعلیم کامران بنگش نے ٹوئٹر پر جاری بیان میں کہا ہے کہ ہائیر ایجوکیشن ڈیپارٹمنٹ کے لئے 1900 لیکچررز کی ریکروٹمنٹ کے حوالہ سے خیبرپختونخوا پبلک سروس کمیشن نے یہ فیصلہ کیا کہ سکریننگ ٹیسٹ کے زریعہ شارٹ لسٹنگ ہوگی۔
