ریاض: سعودی عرب کے صحرا میں بھٹک جانے والا شخص مردہ حالت میں پایا گیا ہے۔
عرب میڈیا کی رپورٹ کے مطابق مملکت میں ‘مہد الدہب’ کے نام سے پہچانے جانے والے صحرائی علاقے میں گزشتہ 7 دن سے لاپتہ ہونے والا شہری مردہ حالت میں ملا ہے۔
رپورٹ میں بتایا گیا ہے کہ امدادی ٹیموں کو شہری کی گاڑی صحرا کے ام عثیم پہاڑی علاقے میں ملی جہاں قریب ہی شہری کی لاش بھی پڑی تھی، 50 سالہ سفر المطیری گزشتہ چند دنوں سے لاپتہ تھے۔
گھر والوں کی اطلاع کے بعد متعلقہ ادارے ایکشن میں آئے اور انہوں نے تلاش شروع کی، رضا کاروں کی بڑی ٹیم نے تلاشی مہم کے دوران مذکورہ شخص کو ڈھونڈ نکالا۔
پولیس اور متعلقہ سرکاری اداروں نے لاش کو سپتال کے سرد خانے منتقل کردیا ہے جہاں وفات کے اسباب معلوم کیے جائیں گے، بعد ازاں دیگر قانون کارروائی مکمل کی جائے گی اور مردے کو لواحقین کے حوالے کردیا جائے گا۔
