کراچی کے علاقے سائٹ ایریا میں نامعلوم ملزمان کی فائرنگ سے پولیس اہلکار شہید ہوگیا ہے۔
ایس ایس پی کیماڑی فدا حسین جانوری نے میڈیا سے گفتگو کرتے ہوئے بتایا کہ سائٹ ایریا میں آج افسوسناک واقعہ پیش آیا، چار مشتبہ افراد کو دیکھ کراہلکاروں نےرکنےکا اشارہ کیا، ملزمان نےرکنےکی بجائے اندھادھند فائرنگ کردی۔
فدا حسین جانوری کے مطابق ایک اہلکارہیڈ کانسٹیبل رمیز گردن میں گولی لگنےسے شہید ہوگیا جبکہ دوسرازخمی ہے۔
ایس ایس پی کیماڑی نے بتایا کہ جائے حادثے سے کچھ سراغ ملےہیں ان کی مدد س جلد ملزمان کو قانون کی گرفت میں لائیں گے، فائرنگ کرنیوالےملزم ڈاکو تھےیا دہشت گرد؟ کہنا قبل ازوقت ہوگا۔
وزیراعلیٰ سندھ سید مراد علی شاہ کا فائرنگ سے پولیس اہلکار کی شہادت کا نوٹس لیتے ہوئے ایڈیشنل آئی جی کراچی سے فوری رپورٹ طلب کرلی،انہوں نے پو لیس اہلکار کے قاتلوں کو فوری گرفتار کرنے کی ہدایت بھی کی۔
