کراچی کی ملیر جیل میں ایک قیدی نے ایچ آئی وی (ایڈز) کا ٹیسٹ مثبت آنے پر خودکشی کر لی۔
اے آر وائی نیوز کے مطابق کراچی کی ملیر جیل میں قیدیوں کے طبی ٹیسٹ ہوئے تھے جس میں ایک قیدی عزیر جدون نے ایڈز کا ٹیسٹ مثبت آنے پر زندگی سے مایوس ہو کر خودکشی کر لی۔
عزیر جدون کی موت کے حوالے سے ابتدائی رپورٹ کے مطابق عزیر جدون اپنا ایچ آئی وی (ایڈز) ٹیسٹ مثبت آنے پر ذہنی دباؤ کا شکار تھا اور اس نے زندگی سے مایوس ہو کر چھلانگ لگا کر خودکشی کی۔
وزیر جیل خانہ جات نے ملیر جیل میں قیدی کی خودکشی کا فوری نوٹس لیتے ہوئے آئی جی جیل خانہ جات کو واقعے کی فوری تحقیقات کر کے رپورٹ پیش کرنے کی ہدایت کی ہے۔
