کراچی کےعلاقے لیاری میں رینجرز کی چوکی پر فائرنگ سے ایک اہلکار شہید ہوگیا۔
ترجمان رینجرز کے مطابق فائرنگ کا واقعہ لیاری کے علاقے بہارکالونی میں پیش آیا جہاں الفلاح روڈ پر قائم چوکی پر فائرنگ سے ڈیوٹی پر مامور اہلکار شہید ہو گیا۔
حکام کا کہنا ہے فائرنگ سے 35 سالہ لائنس نائیک دلشاد 35 شہید ہوا ہے۔
- Advertisement -
ترجمان نے کہا کہ الفلاح چوکی کے نزدیک اسنیپ چیکنگ کے دوران مشتبہ موٹرسائیکل سوار افراد کو روکنے کا اشارہ کیا تو انہوں نے رینجرز اہلکار پر فائرنگ کر دی۔
ترجمان سندھ رینجرز کا کہنا ہے کہ رینجرز کی جانب سے واقعہ میں ملوث ملزمان کی تالاش جاری ہے ملزمان کی گرفتاری کے لیئے ٹیمیں تشکیل دے دی گئی ہیں۔
