ریاض : سعودی عرب میں ٹریفک کے ایک خوفناک حادثے میں ایک تیز رفتار کار پل سے گر کر نیچے کھڑی دوسری کار پر جاگری۔
سعودی ذرائع ابلاغ کی رپورٹ کے مطابق دارالحکومت ریاض میں پیش آنے والے حادثے میں کسی شخص کی ہلاکت کی اطلاع نہیں ملی تاہم دوافراد کے زخمی ہونے اطلاعات ہیں جنہیں طبی امداد کیلئے فوری اسپتال منتقل کردیا گیا۔
حادثے کی وڈیو سوشل میڈیا پر وائرل ہورہی ہے جس میں دیکھا جاسکتا ہے کہ ریاض کے کنگ فہد روڈ انس بن مالک اٹنرسیکشن ٹنل پر ایک پل سے گاڑی ریلنگ توڑتی ہوئی نیچے دوسری گاڑی پر جاگری۔
شاهد:سقوط سيارة على سيارة أخرى بداخل نفق تقاطع أنس بن مالك بالرياض pic.twitter.com/bPxvsqHGtZ
— الترند السعودي (@AlTrendAlsaudi) June 16, 2023
رپورٹ کے مطابق حادثے کے بعد دونوں کاریں تباہ ہوگئیں اور پل کی ریلنگ ٹوٹنے اور گاڑیاں الٹنے سے ٹریفک کافی کیلئے معطل ہوگیا۔
سوشل میڈیا صارفین کا کہنا ہے کہ اس طرح کے حادثات زیادہ تر تیز رفتاری یا دوران ڈرائیونگ موبائل فون کے استعمال سے رونما ہوتے ہیں۔
