کراچی میں کسٹم انٹیلی جنس اور دیگر اداروں نے خفیہ اطلاع پر چھاپہ مار کر جعلی پٹرول اور ڈیزل بنانے والے گودام کو سیل کر دیا۔
اے آر وائی نیوز کو ذرائع سے ملنے والی اطلاعات کے مطابق کراچی کے ضلع کورنگی سیکٹر 50 سی میں کسٹم انٹیلی جنس اور دیگر اداروں نے خفیہ اطلاع پر ایک گودام پر چھاپہ مارا جہاں جعلی پٹرول اور ڈیزل بنایا جاتا تھا۔
ذرائع نے بتایا کہ چھاپہ مار ٹیم نے بھاری مقدات میں جعلی پٹرول، ڈیزل اور الیفاٹک ہائیڈرو کاربن سالوینٹ برآمد کرکے گودام سیل کر دیا۔
- Advertisement -
چھاپہ مار ٹیم نے کارروائی میں 24 آئل تینکس سے 4 لاکھ 50 ہزار 561 لیٹر جعلی پٹرول اور ڈیزل برآمد کیا۔
ذرائع نے بتایا کہ گودام مالک نے چار سال سے لائسنس کی تجدید نہیں کرائی تھی جب کہ الیفاٹک ہائیڈرو کاربن سالوینٹ کو پٹرول اور ڈیزل کی مقدار بڑھانے کے لیے استعمال کیا جاتا تھا۔
