بازار جاکر شاپنگ کرنا دنیا بھر کی خواتین کا سب سے پسندیدہ مشغلہ ہے صرف یہ ہی نہیں بلکہ خریداری کرنا خواتین کی کمزوری بھی کہلاتا ہے۔
بعض خواتین تو شاپنگ کی اتنی شوقین ہوتی ہیں کہ معمولی سی چیز کی خریداری پر اپنا خاصا وقت اور پیسہ خرچ کردیتی ہیں اس کے باوجود ان کے دل کو تسلی نہیں ہوتی۔
کچھ ایسی ہی صورتحال دبئی میں رہنے والی ایک خاتون کی ہے جن کے بارے میں مشہور کہ وہ یومیہ 70 لاکھ سے زائد رقم کی شاپنگ کرتی ہیں۔
غیر ملکی میڈیا رپورٹس کے مطابق صودی نامی خاتون کے ٹک ٹاک اور انسٹاگرام پر لاکھوں فالوورز ہیں جو ان کی طرز زندگی دیکھ کر حیران رہ جاتے ہیں۔
خاتون کے بارے میں بتایا گیا ہے کہ وہ شاپنگ، کھانے پینے اور سفر پر بے دریغ پیسا خرچ کرتی ہیں اور انہیں خاص طور پر مہنگے بیگز، قیمتی گاڑیاں اور خوبصورت اور مہنگی جگہوں پر جانے کا شوق ہے۔
غیرملکی میڈیا کے مطابق سودی اور ان کے شوہر اکثر بیرون ملک چھٹیاں بھی ساتھ گزارتے ہیں اور اس دوران بھی ان کا طرز زندگی شاہانہ ہوتا ہے۔
غیرملکی میڈیا کے مطابق صودی برطانیہ میں پیدا ہوئی تھیں اور 6 سال کی عمر میں دبئی آگئی تھیں جبکہ ان کے شوہر جمال کا تعلق سعودی عرب سے ہے۔
رپورٹس کے مطابق دونوں کی ملاقات دبئی کی ایک یونیورسٹی میں ہوئی اور انہوں نے 2 سال پہلے شادی کی ہے۔
