کراچی کے علاقے کورنگی مہران ٹاؤن میں گھر سے خاتون کی لاش ملی ہے۔ لاش کو پوسٹمارٹم کے لیے اسپتال منتقل کر دیا گیا ہے۔
پولیس کے مطابق مقتولہ کے والدین نے ساس پر تشدد اور قتل کا الزام لگایا ہے۔ مقتولہ کے والد اور شوہر بھی اسپتال پہنچ گئے ہیں۔
والد نے کہا کہ اپنی بیٹی سے بہت پیار کرتا تھا مجھے راستے میں اطلاع ملی، جناح اسپتال آکر دیکھا تو بیٹی کی لاش پڑی تھی، میری بیٹی کی عمر 19 سے 20 سال تھی اور 7ماہ قبل شادی ہوئی تھی۔
والد نے الزام لگایا کہ ابتدائی دنوں سے ہی اولاد کیلئے بیٹی کو ساس تعویز پلایا کرتی تھیں کل رات بیٹی سے بات ہوئی تو وہ بالکل ٹھیک تھی صبح کال کی تو نمبر بند تھا سسرالی کی طرف سے جواب نہیں آرہا تھا۔
ان کا کہنا تھا کہ بیٹی اکثر ماں سے ساس اور شوہر کے تشدد کی شکایات کرتی تھی شبہ ہے ساس اور شوہر کےذہنی دباؤ اور تشدد سے بیٹی کی موت ہوئی ہے۔
