ممبئی: بالی ووڈ کے مسٹر پرفیکشنسٹ عامر خان ’دی گریٹ کپل شرما‘ شو کے بعد اب ایک اور شو میں نظر آنے کیلئے تیار ہیں۔
بالی ووڈ کے معروف اداکار عامر خان نے حال ہی میں کامیڈین کپل شرما کے شو ’دی گریٹ انڈین کپل شو‘ میں شرکت کی تھی اب وہ ایک پوڈکاسٹ میں انٹری دینے کے لیے تیار ہیں۔
بالی ووڈ ہنگامہ ایکسپریس کے مطابق اداکار عامر خان اب اداکارہ ریا چکرورتی کی پوڈ کاسٹ میں بطور مہمان شرکت کریں گے، وہ ایپی سوڈ 2 کے اگلے مہمان ہوں گے۔
اس سے قبل ریا کے پوڈ کاسٹ میں اداکارہ ششمیتا سین نے شرکت کی تھی جہاں انہوں نے اپنی پیشہ ورانہ زندگی سے متعلق گفتگو کی تھی۔
View this post on Instagram
تاہم اب مداح عامر خان کو پوڈکاسٹ انٹرویو میں دیکھنے کیلئے متجسس ہیں، دوسرے ایپی سوڈ میں عامر خان کے بطور مہمان نظر آنے کے امکانات ہیں۔
واضح رہے کہ اداکار عامر خان نے حال ہی میں اپنی آنے والی فلم ’ستارے زمین پر‘ کی شوٹنگ مکمل کی ہے عامر خان کی سوشل ایشو پر بننے والی سماجی و کامیڈی فلم میں ان کے ہمراہ اداکارہ جینیلیا ڈی سوزا بھی نظر آئیں گی۔