بالی ووڈ کے سپر اسٹار اداکار عامر خان کی نئی آنے والی فلم ’ ستارے زمین پر‘ کی ریلیز سے متعلق بڑی خبر آگئی۔
بھارتی میڈیا کے مطابق دسمبر 2024 میں ریلیز کے لیے تیار عامر خان کی فلم ستارے زمین پر کو 2025 تک ملتوی کردیا گیا ہے۔
ریڈ سی انٹرنیشنل فلم فیسٹیول میں عامر خان نے میڈیا سے بات کرتے ہوئے بتایا کہ فلم ’ستارے زمین پر‘ 2007 میں ریلیز ہونے والی مشہور فلم فلم تارے زمین پر کے تھیم پر مبنی سیکوئل ہے۔
View this post on Instagram
عامر خان نے بتایا یہ فلم کا سیکوئل ہے لیکن اس کی کہانی اور کردار بالکل نئے ہوں گے، فلم کی پوسٹ پروڈکشن کا کام اس ماہ کے آخر میں شروع ہوگا، اور فلم 2025 کے درمیاں میں ریلیز کی جائے گی۔
اداکار نے اپنے نئے پروجیکٹ سے متعلق گفتگو کرتے ہوئے کہا کہ میں ایک اور پروڈکشن پروجیکٹ میں کام کررہا ہوں لیکن ابھی اس کی تفصیلات نہیں بتاسکتا۔
یاد رہے کہ 2007 کی مشہور فلم ’تارے زمین پر‘ میں عامر خان نے آرٹس ٹیچر رام شنکر نکمب کا کردار ادا کیا تھا، جو ایک طالب علم، ایشان اوستھی، کو ڈسلیکسیا پر قابو پانے اور اس کی چھپی ہوئی صلاحیتوں کو اجاگر کرنے میں مدد کرتے ہیں۔
ایشان اوستھی کا کردار چائلڈ اسٹار درشیل نے نبھایا تھا، جو اب اس کے سیکوئل ’ستارے زمین پر‘ میں بھی ایک اہم کردار ادا کرتے نظر آئیں گے۔
