کراچی : تحریک انصاف کے رکن قومی اسمبلی عامر لیاقت نے علی زیدی پر تنقید کرتے ہوئے کہا ہے کہ علی زیدی کےفیورٹ ازم کےکھیل سے کارکنان دل برداشتہ ہیں۔
تفصیلات کے مطابق پاکستان تحریک انصاف سندھ کی قیادت آمنے سامنے آگئی ، ایم این اے عامرلیاقت نے سماجی رابطے کی ویب سائٹ ٹوئٹر پر صوبائی صدر علی زیدی پر تنقید کرتے ہوئے کہا وزیراعظم نے اپنے چیمبرمیں 3بجے طلب کیاہے، علی زیدی کےفیورٹ ازم کےکھیل سے کارکنان دل برداشتہ ہیں ، مجھے چھوڑیے ایک سے ایک بڑھ کر ایک ہیرا ہے عمران خان کا ، لیکن علی بھائی کو نظر ہی نہیں آیا،اللہ بہتر کرے۔
3 بجے وزیراعظم عمران خان نے اپنے چیمبر میں طلب کرلیا ہے، کراچی میں جناب علی زیدی نے Nepotism اورFavourtism کا جو اندوہناک کھیل کھیلا ہے اس سے کارکنان دل برداشتہ ہیں ، مجھے چھوڑیے ایک سے ایک بڑھ کر ایک ہیرا ہے عمران خان کا لیکن علی بھائی @AliHZaidiPTI نظر ہی نہیں آیا،اللہ بہتر کرے
— Aamir Liaquat Husain (@AamirLiaquat) January 13, 2022
عامر لیاقت کا کہنا تھا کہ آخری گیند تک پی ٹی آئی کراچی کے لیے لڑوں گا، جب راستہ نہیں بچے وزیراعظم کا تب بھی ساتھ نہیں چھوڑوں گا، احتجاج جمہوری حق ہے ،عمران خان میرے لیے سب کچھ ہیں ، دوست کواتنانہ آزماؤکہ کھوبیٹھو،بالغ النظرجانتے ہیں کراچی میں میری کیاحیثیت ہے۔
آخری گیند تک پی ٹی آئی کراچی کے لیے لڑوں گاجب کوئی راستہ نہیں بچے وزیراعظم کا تب بھی ساتھ نہیں چھوڑوں گا،احتجاج جمہوری حق ہے اور عمران خان میرے لیے سب کچھ ہیں وہ جو فرمائیں گے وہی کروں گا مگر دوست کو اتنا نہ آزماؤ کہ کھو بیٹھو، بالغ النظر جانتے ہیں کراچی میں میری کیا حیثیت ہے
— Aamir Liaquat Husain (@AamirLiaquat) January 13, 2022
