قومی ٹیم کے ہیڈ کوچ عاقب جاوید نے دورہ جنوبی افریقہ کے لیے اوپنر فخر زمان کو ٹیم میں شامل نہ کرنے کی وجہ بیان کردی ہے۔
دورہ جنوبی افریقہ میں دو ٹیسٹ، ٹی 20 اور ون ڈے سیریز کے لیے قومی اسکواڈ کا اعلان کیا گیا ہے جس میں فخر زمان وائٹ اور ریڈ بال اسکواڈ میں شامل نہیں جبکہ شاہین آفریدی کو ٹیسٹ ٹیم کا حصہ نہیں بنایا گیا ہے۔
فخر زمان سے متعلق وائٹ بال ہیڈ کوچ عاقب جاوید نے کہا کہ ’فخر زمان کے نام پر اس لیے غور نہیں کیا گیا کہ وہ ابھی فارم اور میچ فٹنس حاصل نہیں کرسکے ہیں۔
ہیڈ کوچ نے بتایا کہ شاہین آفریدی کو ٹیسٹ اسکواڈ میں اس لیے شامل نہیں کیا گیا کہ وہ آئی سی سی چیمپئنز ٹرافی 2025 کے لیے جسمانی اور ذہنی طور پر تازہ دم رہیں۔
انہوں نے کہا کہ انگلینڈ کے خلاف شاندار کارکردگی دکھانے کے باوجود ساجد خان کو ڈراپ کرنا ایک مشکل فیصلہ تھا تاہم سنچورین اور کیپ ٹاؤن میں تیز بولنگ کے لیے سازگار کنڈیشنز کو دیکھتے ہوئے ہم نے ان کے بجائے محمد عباس کا انتخاب کیا ہے۔
دورہ جنوبی افریقہ کے لیے قومی ٹیم ان کھلاڑیوں پر مشتمل ہے۔
View this post on Instagram
