پاکستان کے ابھرتے ہوئے اسٹار آل راؤنڈر عباس آفریدی نے اپنے آئیڈیل پلیئر کا نام بتا دیا۔
پی ایس ایل کی مقبول ترین ٹیم کراچی کنگز کے اہم رکن عباس آفریدی نے اپنے کیریئر پر سابق فاسٹ باؤلر عمر گل کے اہم اثر و رسوخ کے بارے میں بات کرتے ہوئے انکشاف کیا کہ گُل ان کے آئیڈیل ہیں۔
ایک انٹرویو میں میں انہوں نے کہا کہ عمر گل میرے چچا اور آئیڈیل ہیں، میں نے انہیں دیکھ کر کرکٹ کھیلنا شروع کی اور میں ہمیشہ ان کی طرح میچ وننگ پرفارمنس دینے کا ارادہ رکھتا ہوں۔
آفریدی نے اس بات پر بھی روشنی ڈالی کہ وہ کس طرح اپنے کھیل کو بہتر بنانے کے لیے گُل سے مشورہ لیتے ہیں۔
ان کا کہنا تھا کہ پی ایس ایل سے پہلے، عمر گل مجھے پریکٹس سیشنز کے لیے لے گئے جہاں ہم نے پاور ہٹنگ پر کام کیا، اور اس سے میری بہت مدد ہوئی۔
24 سالہ نوجوان نے خود کو آل راؤنڈر بتاتے ہوئے کہا کہ وہ بولنگ پر بیٹنگ کو ترجیح دیتے ہیں۔
