کراچی : عباسی شہید اسپتال کے اطراف گٹر ابلنے سے مرکزی دروازے اور ایمرجنسی کے سامنے سیوریج کا پانی جمع ہونے سے تعفن پھیل گیا۔
سیوریج کے پانی کے باعث مریضوں کو اسپتال آنے میں شدید مشکلات کا سامنا ہے، تعفن سے مریضوں اور تیمارداروں کا سانس لینا محال ہوگیا ہے۔
اس حوالے سے اسپتال انتظامیہ کا کہنا ہے کہ پچھلے2 ماہ سے سیوریج کا مسئلہ ہے لیکن کوئی شنوائی نہیں ہورہی سیوریج لائن بند ہونے کے باعث اسپتال میں گندہ پانی جمع ہورہا ہے۔
شہریوں کا کہنا ہے کہ یہ مسئلہ کئی دنوں سے درپیش ہے لیکن گزشتہ روز بارش ہونے بعد تو زیادہ ہی پانی کھڑا ہوگیا ہے۔ انتظامیہ بھی ناقص ہے ہم اپنے بچے کے علاج کے لئے آئے ہوئے لیکن یہاں پر کوئی ڈاکٹر موجود نہیں ہے۔
واضح رہے کہ عباسی شہید اسپتال میں صحت کی سہولیات کا پہلے ہی فقدان ہے اب صفائی کی صورتحال انتظامیہ کی کارکردگی ایک سوالیہ نشان ہے۔ کے ایم سی انتطامیہ بھی صورت حال کا جائزہ لے چکی ہے تاحال سیوریج کے پانی کے نکاسی کوئی انتظام نہیں کیے گئے۔
