ایبٹ آباد : انسداد پولیو مہم ایبٹ آباد میں خطرے میں پڑ گئی، ڈاکٹرز نے بچوں کو ویکسین کے قطرے پلانے سے انکار کر دیا۔
تفصیلات نکے مطابق ایبٹ آباد میں پی پی ایچ آئی کے ڈاکٹروں کو چار ماہ سے تنخواہیں نہیں ملیں ڈاکٹرز نے حکومت کو متنبہ کیاہے کہ بچوں کو ویکسین کے قطرے نہیں پلائیں گے۔
ایبٹ آباد کی ضلعی انتظامیہ اور فنانس ڈیپارٹمنٹ کی نااہلی کی وجہ سے پی پی ایچ آئی کے ڈاکٹروں کو چار ماہ سے تنخواہ نہیں ملی جس پر ڈاکٹر سراپا احتجاج ہیں ۔
- Advertisement -
ڈاکٹروں نے ڈی ایچ او آفس کے باہر احتجاجی مظاہرہ بھی کیا۔ ان کا کہنا ہے کہ دسمبر میں شروع ہونے والی انسداد پولیو مہم کا بائیکاٹ کریں گے۔
ذرائع کا کہنا ہےکہ انسداد پولیو مہم کے بائیکاٹ کی وجہ سے ہزاروں بچے قطرے پینے سے محروم رہ جائیں گے۔
