ایبٹ آباد: صوبہ خیبر پختونخوا کے شہر ایبٹ آباد میں نوجوان کو چلتی ٹرین کے ساتھ ٹک ٹاک بنانا مہنگا پڑگیا۔
تفصیلات کے مطابق ایبٹ آباد میں ٹک ٹاک بنانے کے شوق میں نوجوان عمیر حیات ٹرین کے انجن سے ٹکرا گیا تاہم وہ معجزانہ طور پر بچ گیا
واقعے کے بعد ریلوے پولیس نے نوجوان کو گرفتار کر کے ریلوے ایکٹ کی دفعہ 325PPC کے تحت 122A1 کا مقدمہ درج کر لیا۔
- Advertisement -
یاد رہے کہ رواں سال اپریل میں کراچی کے علاقے لانڈھی، بھینس کالونی میں پیرانوگوٹھ کے قریب ریل کی پٹری پر ٹک ٹاک بنانے کے دوران ٹرین کی ٹکر سے نوجوان ہلاک ہوگیا تھا
عینی شاہدین کا کہنا تھا کہ ٹک ٹاک ویڈیو بنانے میں مصروف کاشف نامی نوجوان کو ٹرین نے کئی بار ہارن دیا لیکن نوجوان آواز نہ سن سکا اور ٹرین کی زد میں آگیا۔
