کوئٹہ : بلوچستان کے دارلحکومت کوئٹہ سے اغوا ہونے والے نیوروسرجن ڈاکٹر ابراہیم خلیل اچانک اپنے گھر پہنچ گئے، انھیں 48روز قبل اغواکیا گیا تھا،ڈاکٹر ابراہیم خلیل کا کہنا ہے کہ اللہ کاشکرہےگھر واپس پہنچ گیاہوں، اہل خانہ اوررشتہ داروں کے درمیان آکر خوش ہوں۔
تفصیلات کے مطابق لوچستان کے دارلحکومت کوئٹہ سے اغوا ہونے والے ڈاکٹر ابراہیم خلیل آج صبح اپنے گھر پہنچے ہیں تو گھر میں خوشی کی لہر دوڑ گئی، اہل خانہ کا کہنا ہے کہ ڈاکٹر کو اغوا کار خود چھوڑ گئے تاہم انہوں نے مقام بتانے سے گریز کیا۔
[bs-quote quote=”للہ کاشکرہےگھر واپس پہنچ گیاہوں، اہل خانہ اوررشتہ داروں کے درمیان آکر خوش ہوں” style=”style-7″ align=”left” author_name=”مغوی ڈاکٹر ابراہیم "][/bs-quote]
ذرائع کا کہنا ہے کہ ڈاکٹر ابراہیم خلیل کو اغواکار چمن کے علاقے میں چھوڑگئے تھے، جہاں سے وہ ٹیکسی لیکر گھر پہنچے ہیں۔
اس حوالے سے پروفیسر ڈاکٹر ابراہیم خلیل نے میڈیا سے بات کرتے ہوئے بازیابی پر خدا کا شکر ادا کیا اور کہا گھر پہنچنے پر بے حد خوشی ہورہی ہے ، ڈاکٹرزبرادری کابےحدمشکورہوں، اس وقت شدید کمزوری محسوس ہورہی ہے مزید بات نہیں کرسکتا۔
دوسری جانب ڈاکٹرزبرادری نے ڈاکٹر ابراہیم خلیل کی واپسی پر تشکر کا اظہار کیا۔
پروفیسر ڈاکٹر ابراہیم خلیل کو 13 دسمبر 2018 کی رات کلینک سے گھر جاتے ہوئے شہباز ٹاون کے قریب سے نامعلوم افراد نے اغوا کرلیا تھا، پولیس نے واقعہ کا مقدمہ درج کرکے خصوصی تحقیقاتی ٹیم تشکیل دی تھی جبکہ ڈاکٹرز کی تنظیموں کی جانب سے ہڑتال کردی گئی تھی۔