The news is by your side.

Advertisement

وزیر اعظم نے وزیرخزانہ حفیظ شیخ کو ایک اور بڑی ذمہ داری دے دی

اسلام آباد : وزیر اعظم عمران خان نے وزیرخزانہ حفیظ شیخ پر ایک اور ذمہ داری ڈال دی اس سلسلے میں نوٹیفکیشن جاری کردیا ہے جس اطلاق فوری طور پر ہوگا۔

تفصیلات کے مطابق وزیر خزانہ حفیظ شیخ کو ریونیو کا اضافی چارج دے دیا گیا ہے، اس حوالے سے ذرائع کا کہنا ہے کہ وزیر اعظم عمران خان کی منظوری سے جاری ہونے والے حکم نامے میں وزیرخزانہ حفیظ شیخ وزارت خزانہ کے ساتھ ریونیو کا قلمدان بھی سنبھالیں گے۔

اس سلسلے میں کابینہ ڈویژن نے نوٹیفکیشن جاری کردیا ہے اطلاق فوری پر ہوگا، یاد رہے کہ وزیراعظم عمران خان اپنا آئینی حق استعمال کرتے ہوئے غیرمنتخب شخص کو6 ماہ کے لیے وفاقی وزیر بناسکتے ہیں۔

قبل ازیں عبدالحفیظ شیخ وزیراعظم عمران خان کے مشیر برائے خزانہ تھے تاہم گزشتہ دنوں وزیراعظم نے انہیں وفاقی وزیر بناتے ہوئے وزارت خزانہ کا قلمدان سونپ دیا تھا۔

Comments

یہ بھی پڑھیں