اسلام آباد : برطانوی ہائی کمشنر نے پاکستان کو مکمل تعاون یقین دہانی کرواتے ہوئے کہا برطانوی حکومت معاشی اور معاشرتی بہتری کیلئے ہر ممکن مدد کرے گی۔
تفصیلات کے مطابق مشیرخزانہ حفیظ شیخ سے برطانوی ہائی کمشنرکی ملاقات ہوئی ، ملاقات میں مشترکہ مفادات کےمعاملات زیر بحث آئے۔
مشیرخزانہ نے معاشی اقدامات کے حوالے سے برطانوی ہائی کمشنرکو آگاہ کرتے ہوئے کہا معیشت پرکوروناکےاثرات کوکم کرنے کیلئے اقدامات اٹھائےگئے ، غریب اور نادار طبقے کا تحفظ کیا گیا۔
حفیظ شیخ نے برطانوی ہائی کمشنرکومعاشی آؤٹ لک پر بھی آگاہ کرتے ہوئے کہا پاکستان کی ترسیلات زر اور براہ راست بیرونی سرمایہ کاری میں اضافہ ہوا، پہلےسہ ماہی میں ایف بی آرمحصولات میں اضافہ،جاری خسارہ سرپلس ہوا، اسمارٹ لاک ڈاؤن پالیسی سےمعاشی سرگرمیاں بحال ہوئیں۔
برطانوی ہائی کمشنر نے پاکستان کومکمل تعاون یقین دہانی کرواتے ہوئے کہا برطانوی حکومت معاشی اور معاشرتی بہتری کیلئےہر ممکن مدد کرے گی۔
