قومی ٹیم کے سابق کپتان سرفراز احمد کے بیٹے عبداللہ کی لیگ اسپن بولنگ کرنے کی ویڈیو وائرل ہوگئی۔
سابق کپتان سرفراز احمد نے قائد اعظم ٹرافی کے میچ میں آج شاندار نصف سنچری اسکور کی، میدان میں ان کے صاحبزادے عبداللہ بھی موجود ہیں جو بولنگ کررہے ہیں اور سرفراز وکٹ کیپنگ کررہے ہیں۔
ویڈیو میں عبداللہ کو بولنگ کرتے دیکھا جاسکتا ہے۔ سرفراز احمد نے کیپشن میں لیگ اسپنر شاداب خان کو مخاطب کرتے ہوئے لکھا کہ ’چیک کرو۔‘
@76Shadabkhan check karo https://t.co/6qfDaVKhga
— Sarfaraz Ahmed (@SarfarazA_54) November 17, 2022
شاداب خان نے بھی مزاحیہ انداز میں لکھا کہ ’عبداللہ نے پہلے سیفی بھائی کے دل میں میری جگہ لے لی اب کہیں پاکستان ٹیم میں میری جگہ نہ لے جائے۔
سرفراز نے بھی دل کی ایموجی بناتے ہوئے کہا کہ ’ایسا نہیں ہونے والا آپ اور عبداللہ دونوں دل میں ساتھ آئے تھے اور ہمیشہ رہیں گے۔‘
نائب کپتان نے کہا کہ ’ہمیشہ آپ سے محبت کرتے ہیں سیفی بھائی، کپتان ہر چیز کے لیے آپ کا شکریہ۔‘
Always love u saifi bhai. Thank u for everything kaptaan.
— Shadab Khan (@76Shadabkhan) November 17, 2022
واضح رہے کہ سرفراز احمد کے صاحبزادے عبداللہ اس سے قبل بھی بولنگ کرنے کی ویڈیوز وائرل ہوچکی ہیں وہ سابق بیٹر باسط علی کو بھی بولڈ کرچکے ہیں۔
