بالی ووڈ کے لیجنڈری اداکار امیتابھ بچن کے بیٹے و اداکار ابھیشیک بچن نے انکشاف کیا ہے کہ ماضی میں خاتون نے انہیں تھپڑ مار دیا تھا۔
بھارتی میڈیا رپورٹس کے مطابق اداکار ابھیشیک بچن کا ماضی کا ایک انٹرویو کلپ وائرل ہورہا ہے جس میں انہوں نے بتایا کہ ایک خاتون نے فلم ’شرارت‘ جو 2002 میں ریلیز ہوئی تھی وہ دیکھ کر تھیٹر میں غصے میں آگئی تھیں اور مجھے تھپڑ جڑ دیا تھا۔
ابھیشیک بچن نے بتایا کہ خاتون نے اس لیے تھپڑمارا کیونکہ انہیں ’شرارت‘ میں میری اداکاری پسند نہیں آئی تھی۔
انہوں نے کہا کہ ’فلم ختم ہوئی تو خاتون میری جانب بڑھیں اور مجھے تھپڑ مار کر کہنے لگیں کہ مجھے اداکاری چھوڑ دینی چاہیے۔‘
Once Abhishek got slapped by a person who didn’t like his movie
by u/RanaKp in BollyBlindsNGossip
ابھیشیک بچن نے کہا کہ ’2012 میں جب فلم ’بول بچن‘ کی ریلیز کے بعد اسی تھیٹر میں گیا تو تقریباً 10 ہزار لوگ سنیما کے باہر جمع تھے میں گاڑی سے باہر نکلا اور اس منظر کی تصویر کھینچ کر والد کو بھیج دی۔‘
اداکار کی وائرل ویڈیو پر کئی صارفین نے حیرانی کا اظہار کیا ساتھ ہی خاتون کے اقدام کو غیر اخلاقی قرار دیا۔
واضح رہے کہ ابھیشیک بچن کی آنے والی فلموں میں ’ایس ایس ایس سیون‘ اور ’گھومر‘ شامل ہیں جبکہ وہ شوجیت سرکار اور ریمو ڈی سوزا کی فلم میں بھی اداکاری کے جوہر دکھائیں گے۔
