راولپنڈی: ٹیسٹ اور ون ڈے ڈیبیو میں سنچری بنا کر عالمی ریکارڈ اپنے نام کرنے والے قومی ٹیم کے اوپنر عابد علی نے کیریئر کی پہلی ٹیسٹ سنچری بیٹی کے نام کردی۔
راولپنڈی ٹیسٹ کے پانچویں روز عابد علی نے 201 گیندوں پر 109 رنز کی ناٹ آؤٹ اننگز کھیلی جس میں 11 چوکے بھی شامل تھے، انہیں شاندار کارکردگی پر مین آف دی میچ کا ایوارڈ بھی دیا گیا۔
یہ بھی پڑھیں: عابد علی نے عالمی ریکارڈ بنا ڈالا
اس موقع پر عابد علی کا کہنا تھا کہ اللہ کا جتنا شکر ادا کروں کم ہے، میری کارکردگی والدین کی دعاؤں کانتیجہ ہے اورسنچری بیٹی کےنام کرتاہوں۔
انہوں نے کہا کہ انتظار تھا کہ انٹرنیشنل کرکٹ کھیلنے کاموقع ملے اور یہی سوچا تھا جب بھی موقع ملے رنز کروں گا، 90 رنز بنانے کےبعد دباؤ میں تھا مگر بابر اعظم نےحوصلہ دیا کہ تم سنچری اسکورکرسکتے ہو۔
عابد علی کا کہنا تھا کہ بارش نےمیچ کا مزہ خراب کردیا تھا لیکن ملک میں ٹیسٹ کرکٹ کی واپسی خوش آئند ہے۔
Hundred on Test debut for Pakistan!
Khalid Ibadulla 166
Javed Miandad 163
Saleem Malik 100*
Mohammad Wasim 109*
Ali Naqvi 115
Azhar Mahmood 128*
Younis Khan 107
Taufeeq Umar 104
Yasir Hameed 170
Yasir Hameed 105
Fawad Alam 168
Umar Akmal 129
ABID ALI 1⃣0⃣6⃣*#PAKvSL pic.twitter.com/Bstoa2k7O5— Pakistan Cricket (@TheRealPCB) December 15, 2019
واضح رہے کہ قومی کرکٹ ٹیم کے اوپنر عابد علی نے ون ڈے کے بعد ٹیسٹ ڈیبیو میں سنچری بنانے کا عالمی ریکارڈ اپنے نام کیا ہے۔
دائیں ہاتھ کے بیٹسمین نے یہ سنگ میل سری لنکا کے خلاف راولپنڈی میں کھیلے گئے سیریز کے پہلے ٹیسٹ کے پانچویں روز حاصل کیا، وہ ون ڈے اور ٹیسٹ کیریئر کی پہلی اننگز میں سنچری بنانے والے دنیا کے واحد بیٹسمین بن گئے ہیں۔
