ڈھاکا: قومی ٹیسٹ ٹیم کے اوپنر عابد علی کی ڈھاکا ٹیسٹ کے آخری روز بلی کو کھانا کھلانے کی ویڈیو سوشل میڈیا پر وائرل ہوگئی۔
پاکستان کرکٹ بورڈ (پی سی بی) کی جانب سے سوشل میڈیا پر ڈھاکا ٹیسٹ کے آخری روز قومی ٹیم کے کھلاڑیوں کی کھانے کے وقفے کے دوران کی ایک ویڈیو شیئر کی گئی۔
پی سی بی نے ویڈیو کے ساتھ کیپشن لکھا کہ ’صرف قومی ٹیم کے کھلاڑی ہی کھانا نہیں کھا رہے۔‘
ویڈیو میں دیکھا جاسکتا ہے کہ عابد علی ایک پلیٹ میں چاول ڈال کر ڈریسنگ روم سے باہر کی طرف آتے ہیں اور گراؤنڈ میں موجود بلی کو چاول ڈالتے ہیں جو وہ مزے سے کھا رہی ہے۔
It is not only the players who are taking lunch #BANvPAK pic.twitter.com/wZ0k3ErPZW
— Pakistan Cricket (@TheRealPCB) December 8, 2021
پی سی بی کی جانب سے شیئر کی گئی ویڈیو چند ہی گھنٹوں میں وائرل ہوگئی اور صارفین نے اسے پسند کیا اور ری ٹویٹ بھی کیا۔
سوشل میڈیا صارفین عابد علی کے بلی کو کھانے کھلانے کے اقدام کو خوب سراہا رہے ہیں۔
واضح رہے کہ قومی ٹیم نے بنگلا دیش کو ڈھاکا ٹیسٹ میں ایک اننگ اور 8 رنز سے شکست دے کر دو میچوں کی سیریز میں کلین سویپ کیا، قومی ٹیم ڈھاکا سے آج رات وطن واپسی کے لیے روانہ ہوگی۔