فیصل آباد : پانی و بجلی کے وزیر مملکت عابد شیرعلی کا کہنا ہے عمران خان کے پاگل پن کا پاکستان میں کوئی علاج نہیں ، وہ ان کے لئے کوئی بندوبست کریں گے، پی سی بی میں میرٹ پر تعیناتی ہونی چاہئے، وقار یونس رپورٹ لیک کرنے والوں کو سزا ملنی چاہئے ۔
فیصل آباد میں فیسکو ہیڈکوارٹرز میں میڈیا سے گفتگو کرتے ہوئے عابد شیرعلی کا کہنا تھا وزیراعظم سے مستعفی ہونے کا مطالبہ کرنے والے عمران خان کسی عدالت میں جائیں ۔ ہم کسی بھی غیرقانونی کام پر ہر سزا بھگتنے کو تیار ہیں ۔
انہوں نے کہا کہ پی تی آئی والے خود سب سے بڑے دہشت گرد ہیں جن کا لیڈر دہشت گردوں کے دفتر کھولنے کی بات کرتا تھا،عابد شیرعلی کا کہنا تھا کرکٹ سمیت کوئی بھی خفیہ دستاویزات لیک نہیں ہونی چاہئیں ، اس سے پاکستان کی جگ ہنسائی ہوتی ہے ۔
وزیر مملکت کا کہنا تھا ماہ رمضان کے دوران عوام کو لوڈشیڈنگ کے حوالے سے ریلیف دیا جائے گا جبکہ انڈسٹری کے لئے عام دنوں میں زیرو لوڈشیڈنگ اور ماہ رمضان میں لوڈشیڈنگ ہو گی ۔
